جیہڑا کم نئیں کر رہیا، اونوں فوری فارغ کرو: وزیرِ صحت پمز دے دورے اُتے برہم
اسلام آباد (مانیٹرنگ ڈیسک) وفاقی وزیرِ صحت مصطفیٰ کمال پمز دے کارڈیک پرائیویٹ رومز دی حالت ویکھ کے سٹاف اُتے برہم ہو گئے تے آکھیا کہ دیوار دی حالت خراب اے تے تسی اینوں پینٹ کر رہے او، کسے دن ایہہ دیوار ڈِگ پئے گی، فیر اسیں سارے اتھے آواں گے۔
مصطفیٰ کمال نے ایگزیکٹو ڈائریکٹر پمز ڈاکٹر سلمان نوں آکھیا کہ تہانوں ہسپتال سمجھّن لئی ۶ مہینے نئیں ملن گے، فوری کم کرنا پئے گا۔ جیہڑا اپنا کم نئیں کر رہیا، اونوں فوری کڈو۔
وفاقی وزیر دا کہنا سی کہ کوئی کسے دا وی بندہ اے، جے اوہ کم نئیں کر رہیا تاں اونوں فارغ کر دیو۔ باہر توں آ کے کوئی کم نئیں کرے گا، انتظامیہ ایکشن لے، میں فارغ کراں گا۔
انہاں آکھیا کہ میرے کول ہن تک اک صفحہ وی نئیں آیا جس وچ ایہہ دسیا گیا ہووے کہ کوئی شخص کم نئیں کر رہیا۔ جے کوئی کم نئیں کر رہیا تاں روزانہ ۱۰ بندے فارغ کر دیو۔
