پاکستان دا جوہری تحفظ، عالمی معیاراں اُتے عملدرآمد دے عزم دا اعادہ

پنج دہائیاں توں جوہری تنصیبات دا تحفظ ساڈے مضبوط نظام دا عکاس اے: چیئرمین پی اے ای سی

اسلام آباد پاکستان اٹامک انرجی کمیشن دے چیئرمین ڈاکٹر راجہ علی رضا انور نے انٹرنیشنل اٹامک انرجی ایجنسی (آئی اے ای اے) دے بورڈ آف گورنرز دے ویانا وچ جاری اجلاس وچ پاکستان دا قومی بیان پیش کردیاں جوہری تے تابکاری تحفظ تے جوہری سلامتی دے بین الاقوامی معیاراں اُتے عملدرآمد لئی پاکستان دے پختہ عزم دا اعادہ کیتا۔ ڈاکٹر راجہ علی رضا انور نے آکھیا کہ کسے وی ملک وچ جوہری تحفظ تے سلامتی دی ذمہ داری مکمل طور اُتے متعلقہ ریاست اُتے عائد ہُندی اے۔

انہاں زور دِتا کہ ایہ بنیادی اصول جوہری تحفظ تے سلامتی نال متعلق آئی اے ای اے دی منصوبہ بندی تے سرگرمیاں وچ مرکزی حیثیت رکھدا اے تے ایس نوں برقرار رہنا چاہیدا اے۔ انہاں آکھیا کہ جوہری تحفظ تے سلامتی پاکستان دے پُرامن جوہری پروگرام دے بنیادی اجزا نیں تے ملک ایس حوالے نال بین الاقوامی معیاراں اُتے عملدرآمد لئی پوری طرح پُرعزم اے۔

انہاں پاکستان وچ جوہری تنصیبات نوں پنج دہائیاں توں محفوظ انداز نال چلاؤن دے ریکارڈ دا ذکر کردیاں آکھیا کہ ایہ ملک دے مضبوط داخلی جوہری تحفظ تے سلامتی دے نظام دی عکاسی کردا اے۔