ممنوعہ فنڈنگ معاملہ، الیکشن کمیشن دا پیپلزپارٹی نوں 2دناں وچ ریکارڈ جمع کران دا حکم

اسلام آباد: الیکشن کمیشن دی سکروٹنی کمیٹی نے ممنوعہ فنڈنگ کیس وچ پیپلزپارٹی نوں 48گھنٹیاں وچ ریکارڈ مہیا کرن دا حکم دے دتا۔

الیکشن کمیشن وچ پیپلزپارٹی دی غیر ملکی فنڈنگ بارے سکروٹنی کمیٹی دا اجلاس ہویا۔ سکروٹنی کمیٹی نے پیپلزپارٹی توں ڈونرز دی تفصیلات طلب کردیاں اک سوال نامہ وی دے دتا، پیپلزپارٹی نوں حکم دتا گیا اے پیپلزپارٹی نوں 48گھنٹیاں وچ ریکارڈ مہیا کرے۔

پیپلزپارٹی نوں دتے گئے سوالنامے وچ پچھیا گیا اے سالانہ گوشواریاں دے علاوہ جے کوئی پارٹی اکاؤنٹس نیں تے ایہناں دی تفصیلات توں آگاہ کیتا جاوے، سوالنامے وچ پچھیا گیا اے جے پارٹی دے بیرون ملک اکاؤنٹس نیں تے 2013تے 2015دے گوشواریاں وچ اوہ تفصیلات ظاہر کیتیاں گئیاں یاں نہیں، ڈونرز تے فنڈز فراہم کرن والے بندیاں دے شناختی کارڈ دیاں کاپیاں فراہم کیتیاں جان جے امریکا توں رقوم آئیاں نیں تے ایہدی ساری تفصیلات پیش کیتیاں جان۔

اپنا تبصرہ گھلو