عدالتی عمل نوں سہل بناؤن لئی ٹیکنالوجی دا استعمال ناگزیر: چیف جسٹس
اداریاں دے نال تعاون نال سائبر سکیورٹی دے اقدامات یقینی بنائے جان گے: جسٹس یحییٰ
سپریم کورٹ تے این آئی ٹی بی دے مفاہمتی یادداشت اُتے دستخطاں دی تقریب نوں خطاب
اسلام آباد چیف جسٹس پاکستان یحییٰ آفریدی نے آکھیا کہ عدلیہ وچ ٹیکنالوجی دا مؤثر استعمال سائلین تے وکیلاں لئی عدالتی عمل نوں ہور قابلِ رسائی، مؤثر تے سہل بناؤن لئی ناگزیر اے۔ عدالتی ڈیٹا تے ڈیجیٹل نظام دے تحفظ لئی مضبوط سائبر سکیورٹی دے اقدامات ضروری نیں۔ وزارتِ آئی ٹی تے ٹیلی کمیونیکیشن، این آئی ٹی بی تے ہور متعلقہ اداریاں دے نال قریبی تعاون دے ذریعے مضبوط سائبر سکیورٹی دے اقدامات یقینی بنائے جان گے۔
سپریم کورٹ دے اعلامیے دے مطابق سپریم کورٹ پاکستان تے نیشنل انفارمیشن ٹیکنالوجی بورڈ (این آئی ٹی بی) دے درمیان سائبر سکیورٹی، سافٹ ویئر ڈویلپمنٹ، ڈیجیٹل سروسز، انفارمیشن ٹیکنالوجی دے بنیادی ڈھانچے تے تکنیکی استعدادِ کار ودھاؤن لئی مفاہمتی یادداشت اُتے دستخط کیتے گئے۔ رجسٹرار سپریم کورٹ سہیل لغاری تے ڈائریکٹر جنرل این آئی ٹی بی فقیر اللہ نے دستخط کیتے۔
چیف جسٹس نے آکھیا کہ ٹیکنالوجی انصاف تک رسائی آسان بناؤن، خدمات دی فراہمی بہتر کرن تے وکیلاں تے سائلین نوں عدالتی اداریاں نال ودھ سہولت تے آسانی دے نال منسلک کرن وچ معاون ہونی چاہیدی اے۔
