لہور اندر جدید شہر بناون دا منصوبہ

لہور : لہوراندر شمال وچ جدید شہر بنواان دامعاملہ ، وزیر اعلیٰ عثمان بزدار نے ریور راوی فرنٹ اتھارٹی دے قیام دی منظوری دے دتی،پنجاب حکومت اتھارٹی دے قیام لئی آرڈیننس جاری کرے گی ، وزیر اعلیٰ عثمان بزدار اتھارٹی دے چیئرمین ہوون گے ، اتھارٹی نوا شہر بساون لئی کال کرے گی ، نوا شہر دبئی ورگا بنایا جائے گا ، نوا شہر اک لکھ ایکڑ توں ودھ رقبے اُتے بنایا جائے گا،نجی شعبے ولوں 5ہزار ارب روپئے دی سرمایہ کاری متوقع اے ،نوے شہر اندر ہائی رائز بلڈنگز دے قیام نوں ترجیح دتی جائے گی ، نوا شہر بسان نال لہور شہر دے ماحولیات ، پانی تے ٹریفک دے مسائل اُتے قابو پایا جا سکے گا ، شہر اندر اک وڈی جھیل وی بنائی جائے گی ،3بیراج وی بنن گے ۔