فیلڈ مارشل عاصم منیر نال امریکی کمپنی پاورس دے وفد دی ملاقات
راولپنڈی فیلڈ مارشل سید عاصم منیر نال دفاعی تے اہم بنیادی ڈھانچے نال متعلق خدمات فراہم کرن والی امریکی کمپنی پاورس (POWERUS) دے اک وفد نے رابرٹ بریٹ ویلیکویچ دی قیادت وچ جی ایچ کیو راولپنڈی وچ ملاقات کیتی۔
آئی ایس پی آر دے مطابق ملاقات دوران باہمی دلچسپی دے امور، دفاعی ٹیکنالوجی وچ تیزی نال رونما ہون والیاں تبدیلیاں، دفاعی سازوسامان دی خریداری، تیاری تے ملکی استعدادِ کار وچ اضافے دے شعبیاں وچ تعاون دے امکانات اُتے تبادلہ خیال کیتا گیا۔
پاک فوج دے شعبہ تعلقاتِ عامہ دے مطابق فیلڈ مارشل نے قومی سلامتی تے ملکی استعداد تے مضبوطی نوں ہور مستحکم کرن وچ تکنیکی جدت تے جدید حل دی اہمیت اُتے زور دِتا۔
آئی ایس پی آر دے مطابق ملاقات دوران دوناں پاسیاں ولوں باہمی دلچسپی دے شعبیاں وچ تعاون تے روابط نوں ہور فروغ دین وچ دلچسپی دا اظہار کیتا گیا۔
