پٹرول ریلیف بغیر رکاوٹاں دے مستحق افراد تک پہنچنا چاہیدا اے: اسحاق ڈار
پٹرول پمپا دیاں شکایتاں دے ازالے لئی خصوصی نظام چوبی گھنٹے فعال رکھن دی ہدایت، ایندھن سبسڈی قومی سٹیئرنگ کمیٹی دا اجلاس، خصوصی ریلیف سکیم دا جائزہ لیا گیا
اسلام آباد (اے پی پی) نائب وزیراعظم تے وزیر خارجہ سینیٹر محمد اسحاق ڈار نے صارفین تے پٹرول پمپا دیاں شکایتاں دے ازالے تے تکنیکی معاونت لئی چوبی گھنٹے فعال رہن والا خصوصی نظام قائم کرن دی ہدایت کردیاں زور دتا کہ درست تے قابلِ قبول ٹوکن پیش کرن والے کسے وی شہری نوں واپس نہ کیتا جاوے تے ریلیف بلاجواز رکاوٹاں توں بغیر مستحق افراد تک پہنچنا چاہیدا اے۔
نائب وزیراعظم دے دفتر ولوں جاری بیان دے مطابق نائب وزیراعظم تے وزیر خارجہ سینیٹر محمد اسحاق ڈار دی زیرِ صدارت ایندھن سبسڈی نال متعلق قومی سٹیئرنگ کمیٹی دا اجلاس ہویا، جتھے وزیراعظم ولوں ملک بھر وچ خصوصی ریلیف سکیم شروع کرن توں بعد اس اُتے عملدرآمد دا جائزہ لیا گیا۔
کمیٹی نے ملک بھر وچ رجسٹریشن، ٹوکن دے ذریعے ریلیف حاصل کرن تے پٹرول پمپا نوں ادائیگیاں کرن بارے پیش رفت دا جائزہ لیا۔
