سنگجانی جلسہ کیس: اسد قیصر دی عبوری ضمانت دی درخواست خارج

حاضری توں استثنیٰ دی درخواست اُتے اسد قیصر دے دستخط وی نہیں، جج طاہر عباس سپرا، پولیس حکام ولوں ہراساں نہ کرن دی یقین دہانی اُتے پی ٹی آئی رہنمائیاں دی درخواست نمٹا دِتی گئی

اسلام آباد (اپنے نامہ نگار توں) انسداد دہشتگردی عدالت دے جج طاہر عباس سپرا نے سنگجانی جلسہ کیس وچ سابق سپیکر قومی اسمبلی اسد قیصر دی ضمانت قبل از گرفتاری دی درخواست خارج کر دِتی۔

سماعت دوران عائشہ خالد ایڈووکیٹ نے اسد قیصر ولوں حاضری توں استثنیٰ دی درخواست دائر کیتی۔ فاضل جج نے آکھیا کہ اسد قیصر آخری واری فروری وچ عدالت پیش ہوئے سن، حاضری توں استثنیٰ دی درخواست اُتے اسد قیصر دے دستخط وی نہیں۔ عدالت نے استثنیٰ دی درخواست مسترد کردیاں عبوری ضمانت دی درخواست وی خارج کر دِتی۔

ادھر اسلام آباد ہائیکورٹ دے جسٹس انعام امین منہاس نے پی ٹی آئی رہنمائیاں ملک عامر، شعیب شاہین تے ہوراں نوں ہراساں کرن دے خلاف کیس وچ پولیس حکام دی یقین دہانی اُتے درخواست نمٹا دِتی۔

مزید برآں پی ٹی آئی لانگ مارچ توں پہلاں گرفتاری تے نظر بندی دے معاملے وچ پی ٹی آئی دے ایم این ایز نے تھری ایم پی او دے تحت گرفتاری نوں اسلام آباد ہائیکورٹ وچ چیلنج کر دِتا۔ عادل بازئی تے داوڑ کنڈی دے وکیلاں بابر اعوان تے مرتضیٰ طوری دے ذریعے وکھ وکھ درخواستاں دائر کیتیاں گئیاں۔