پی ایس او ڈپوواں نوں ڈیزل دی ریل دے ذریعے ترسیل شروع
ڈیزل دی ترسیل روزانہ دی بنیاد اُتے جاری رکھی جاوے: وزیرِ ریلوے حنیف عباسی
لاہور (اپنے کامرس رپورٹر توں) پاکستان ریلویز نے پی ایس او ڈپوواں نوں ڈیزل دی بروقت فراہمی لئی ریل دے ذریعے ترسیل دا آغاز کر دتا اے۔
وزیرِ ریلوے محمد حنیف عباسی دی نگرانی وچ پاکستان ریلویز نے ڈیزل دی ترسیل لئی مؤثر انتظامات کیتے نیں۔ ایس سلسلے وچ راولپنڈی توں ساڑھے 7 لاکھ لٹر ڈیزل لے کے مال گاڑی پشاور ریجن پہنچ گئی اے، جدوں کہ محمود کوٹ توں 10 لاکھ لٹر ڈیزل لے کے دوجی مال گاڑی پشاور ریجن پہنچے گی۔
وزیرِ ریلوے محمد حنیف عباسی نے متعلقہ حکام نوں ہدایت دتی اے کہ ڈیزل دی ترسیل روزانہ دی بنیاد اُتے جاری رکھی جاوے، تاں جو پی ایس او ڈپوواں نوں ایندھن دی بروقت فراہمی یقینی بنائی جا سکے۔
