وزیراعظم دی وطن واپسی اُتے اپوزیشن لیڈر نال ملاقات دا شیڈول طے کرن دا فیصلہ

اسلام آباد (این این آئی) وزیراعظم شہباز شریف دی وطن واپسی اُتے اپوزیشن لیڈر نال ملاقات دا شیڈول طے کرن دا فیصلہ کر لیا گیا اے۔ ذرائع دے مطابق ایس حوالے نال وسیع ایجنڈے اُتے مشاورت جاری اے۔

اپوزیشن لیڈر نال ملاقات دا شیڈول طے کرن لئی حکومت آپ رابطہ کرے گی۔ اپوزیشن لیڈر ولوں چارٹر آف ڈیمانڈ وزیراعظم دے سامنے رکھیا جاوے گا۔

ذرائع دے مطابق وزیراعظم دی وطن واپسی توں بعد ملاقات وچ اہم سیاسی معاملے اُتے گل بات ہووے گی۔ پارلیمانی امور تے سیاسی صورتحال اُتے تبادلہ خیال کیتا جاوے گا۔

اپوزیشن لیڈر آئین تے قانون دی بالادستی تے پارلیمان دے استحکام اُتے زور دین گے۔ ذرائع دے مطابق بانی پی ٹی آئی دیاں ملاقاتاں تے علاج دی سہولت فراہم کرن دا مطالبہ دہرایا جاوے گا۔

ملاقات وچ چیف الیکشن کمشنر تے دو ارکان دی تعیناتی دا معاملہ وی زیرِ بحث آوے گا۔ وزیراعظم شہباز شریف اپوزیشن لیڈر توں چیف الیکشن کمشنر لئی تین ناں منگن گے۔