پنجاب وچ دفعہ 144 دے نفاذ خلاف درخواست، فریقین دی فہرست وچ ترمیم دی ہدایت
لاہور (کورٹ رپورٹر) لاہور ہائیکورٹ وچ پنجاب بھر وچ دفعہ 144 دے نفاذ خلاف پی ٹی آئی رہنما شیخ امتیاز تے اعجاز شفیع دیاں درخواستاں اُتے سماعت ہوئی۔ جسٹس فاروق حیدر نے وکیل نوں فریقین دی فہرست وچ ترمیم کرن دی ہدایت کردیاں سماعت 5 اکتوبر تک ملتوی کر دِتی۔
عدالت نے ریمارکس دِتے کہ ڈی جی رینجرز دا دفعہ 144 دے نوٹیفکیشن جاری کرن وچ کوئی کردار نہیں، تسی پٹیشن وچ مدعا علیہان دی فہرست وچ ترمیم کرو۔
درخواست وچ موقف اختیار کیتا گیا کہ پی ٹی آئی نے احتجاج تے دھرنے دی کال دِتی، حکومت نے پنجاب بھر وچ دفعہ 144 نافذ کر دِتی۔ احتجاج کرنا آئینی حق اے، دفعہ 144 دا نفاذ غیر قانونی اے۔ حکومت نے مخصوص خطرے والے ضلعیاں وچ دفعہ 144 نافذ کرن دی بجائے پورے پنجاب وچ ایہ نافذ کر دِتی۔
