قتل، اغوا کیس وچ عورت ضمنی بیان نال نامزد، ضمانت دینا قانونی قاعدہ: ہائیکورٹ
اسلام آباد (اپنے نامہ نگار توں) اسلام آباد ہائیکورٹ نے قتل تے اغوا دے کیس وچ گرفتار خاتون ملزمہ دی بعد از گرفتاری ضمانت منظور کر لئی۔
جسٹس شاہ رخ ارجمند ولوں جاری کیتے گئے تحریری حکم وچ عدالت نے 5 لاکھ روپے دے مچلکیاں دے عوض ملزمہ ماہ نور شاہد دی ضمانت منظور کیتی تے آکھیا کہ ملزمہ دا ناں ابتدائی ایف آئی آر وچ شامل نہیں سی، بعد وچ ضمنی بیان دے ذریعے نامزد کیتا گیا۔ خاتون ملزمہ نوں ضمانت دینا قانون دا قاعدہ اے۔ ملزمہ دا قتل وچ براہِ راست تے مخصوص کردار سامنے نہیں آیا۔
