اسلامی نظریاتی کونسل دا 247واں اجلاس اج طلب کر لیا گیا
اسلام آباد: اسلامی نظریاتی کونسل دا 247واں اجلاس اج طلب کر لیا گیا
اسلام آباد (اپنے رپورٹر توں) چیئرمین اسلامی نظریاتی کونسل ڈاکٹر راغب حسین نعیمی نے کونسل دا 247واں اجلاس اج طلب کر لیا اے۔
اجلاس وچ مذہبی چینلاں نوں لائسنس تے این او سی جاری کرن دا معاملہ، مسلم عائلی قوانین ترمیمی بل، خصوصی وراثتی ٹربیونلاں دے قیام دی تجویز تے لفظ ”محمد تے احمد“ دی درست املا بارے نوٹیفکیشن دی وضاحت لئی وزارتِ مذہبی امور توں استفسار شامل نیں۔
ایس توں علاوہ رٹ پٹیشن نمبر 55956/2020 وچ لاہور ہائی کورٹ دے فیصلے دی روشنی وچ نابالغ بچیاں تے بیویاں دے پچھلے عرصے دے نان نفقے دی وصولی بارے قانونِ میعادِ سماعت 1908 دے آرٹیکل 120 دے اطلاق دی شرعی حیثیت اُتے وی غور کیتا جائے گا۔
قادیانیاں دی کتاب دی اشاعت اُتے پابندی نال متعلق معاملات وی اجلاس دے ایجنڈے وچ شامل نیں۔
