صدر نال فرانس تے سعودی عرب دے نامزد سفیراں دی ملاقات، سفارتی اسناد پیش کیتیاں
سفیراں نوں تعیناتی اُتے مبارکباد، سفارتی فرائض وچ کامیابی لئی نیک تمنّاؤں دا اظہار
اسلام آباد (این این آئی، نامہ نگار) صدرِ مملکت آصف علی زرداری نال ایوانِ صدر وچ فرانس دے نامزد سفیر ژاں نوئل پواغیے تے سعودی عرب دے نامزد سفیر ڈاکٹر راجح طامی البقمی نے ملاقات کیتی۔
ملاقات دوران نامزد سفیراں نے اپنی سفارتی اسناد پیش کیتیاں۔ صدرِ مملکت نے دوناں سفیراں نوں تعیناتی اُتے مبارکباد دِتی تے اپنے سفارتی فرائض دی ادائیگی وچ کامیابی لئی نیک تمنّاؤں دا اظہار کیتا۔
دریں اثنا، صدرِ مملکت نے پاکستان تے ترکیہ دے دوطرفہ تعلقات نوں ہور مضبوط بناؤن اُتے زور دِتا۔ اوہ پاکستان دی ترکیہ وچ نامزد سفیر آمنہ بلوچ نال گل بات کر رہے سن۔
