جاپان ولوں پاکستانی افسران لئی 17 سکالرشپاں دی پیشکش
گریڈ 17 توں 21 تک دے افسران کولوں نامزدگیاں طلب، درخواستاں 27 نومبر تک جمع ہون گیاں۔
اسلام آباد (نیوز رپورٹر) جاپان دے ہیومن ریسورس ڈیویلپمنٹ سکالرشپ پروگرام (جے ڈی ایس) 2026 دے تحت پاکستانی سول سرونٹس لئی ماسٹرز دیاں 16 تے پی ایچ ڈی دی اک سکالرشپ دی پیشکش کیتی گئی اے۔
اقتصادی امور ڈویژن نے وفاقی وزارتاں تے ڈویژناں دے گریڈ 17 توں 21 تک دے افسران نوں نامزدگیاں بھجوان دی ہدایت دتی اے۔
اوہ افسران درخواست دین دے اہل نیں، جنہاں کول پروبیشن سمیت سرکاری ملازمت دا گھٹ توں گھٹ 3 سال دا تجربہ ہووے۔ ماسٹرز لئی یکم اپریل 2027 تک عمر 25 توں 40 سال، جدکہ پی ایچ ڈی لئی 25 توں 45 سال مقرر کیتی گئی اے۔
دلچسپی رکھن والے افسران جائیس (JICE) دی ویب سائٹ اُتے آن لائن درخواست دین دے نال مطلوبہ دستاویزات تے نامزدگی دی ہارڈ کاپی 27 نومبر 2026 تک جمع کرواؤن۔
