غربت دے خاتمے لئی پائیدار معاشی موقعے فراہم کرنا لازمی اے: گیلانی

خواتین نوں بااختیار بنانا معاشی ترقی لئی ضروری اے: چیئرمین سینیٹ، کانفرنس نال خطاب

اسلام آباد (اپنے رپورٹر توں) چیئرمین سینیٹ سید یوسف رضا گیلانی نے آکھیا اے کہ غربت دے خاتمے لئی صرف فوری امداد کافی نہیں، بلکہ پائیدار معاشی موقعے فراہم کرنا وی لازمی اے۔

اوہناں ایہہ گلاں ’’جامع تے مستحکم معاشی خودمختاری تے ترقی—غربت توں خوشحالی تک‘‘ دے موضوع اُتے منعقدہ بین الاقوامی کانفرنس دے اختتامی سیشن نال خطاب کردیاں آکھیاں۔

چیئرمین سینیٹ نے دخترانِ پاکستان ایکسیلینس ایوارڈز حاصل کرن والیاں خواتین نوں مبارک باد دتی تے آکھیا کہ خواتین نوں بااختیار بنانا نہ صرف انصاف دا تقاضا اے، بلکہ پاکستان دی سماجی تے معاشی ترقی لئی وی لازمی اے۔

تقریب وچ خواتین پارلیمنٹیرینز دی وڈی تعداد نے شرکت کیتی۔ چیئرمین سینیٹ نے انہاں نوں شیلڈاں وی پیش کیتیاں۔