پشاور: بند مکان وچوں لبھیا 11 کلو دا پریشر کُکر بم ناکارہ بنا دِتا گیا
پشاور (این این آئی) پشاور دے گنجان آباد علاقے یکہ توت وچ بم دی موجودگی دی اطلاع اُتے یکہ توت پولیس نے فوری کارروائی کردیاں 11 کلوگرام وزنی پریشر کُکر بم ناکارہ بنا دِتا۔
پولیس دے ترجمان مطابق یکہ توت دے علاقے حافظ آباد وچ واقع بند مکان 5 توں 6 مہینے پہلاں اک افغان خاندان نوں کرائے اُتے دِتا گیا سی۔ تعمیراتی کم لئی مکان کھولیا گیا تے اوتھوں مشکوک پریشر کُکر لبھیا، جس نوں بعد وچ ناکارہ بنا دِتا گیا۔
مقدمہ درج کرن لئی سی ٹی ڈی خیبر پختونخوا نوں خط بھیج دِتا گیا اے۔ آئی جی خیبر پختونخوا ذوالفقار حمید نے پشاور پولیس تے بم ڈسپوزل سکواڈ دی کارکردگی نوں سراہندے ہوئے شاباش دِتی اے۔
