انٹرن شپ دے موقعے تے روزگار دے موقعے ودھاؤن دا فیصلہ کر لیا: شرجیل میمن

100 توں ودھ کمپنیاں نال رابطے، ڈیجیٹل پلیٹ فارم اُتے 52 لکھ توں ودھ لوک وزٹ کر چکے نیں

کراچی (سٹاف رپورٹر) سندھ حکومت نے طلبہ، تعلیم مکمل کر چکے نوجواناں تے کیریئر دے ابتدائی مرحلے وچ موجود لوکاں لئی انٹرن شپ تے روزگار دے موقعے ودھاؤن دا فیصلہ کیتا اے۔ سینئر وزیر شرجیل انعام میمن نے آکھیا اے کہ ایس مقصد لئی 100 توں ودھ کمپنیاں نال رابطے کیتے جا رہے نیں۔

اک بیان وچ اوہناں آکھیا کہ ڈیجیٹل پلیٹ فارم اُتے ہُن تک 51 لکھ 90 ہزار توں ودھ لوک وزٹ کر چکے نیں۔

شرجیل میمن نے آکھیا کہ نوجواناں دیاں پیشہ ورانہ صلاحیتاں ودھاؤن لئی پلیٹ فارم اُتے 1800 توں ودھ مختصر تربیتی کورس وی دستیاب نیں۔

سینئر وزیر نے آکھیا کہ حکومت روزگار دے موقعے پیدا کرن دے نال نال نوجواناں دیاں صلاحیتاں نوں ودھاؤن اُتے وی توجہ دے رہی اے۔