خیبر پختونخوا اسمبلی: تحریک انصاف دے امیدوار ذیشان خانزادہ سینیٹر منتخب

پشاور: تحریک انصاف دے ذیشان خانزادہ نے 104ووٹ حاصل کیتے جد کہ متحدہ اپوزیشن دے امیدوار فرزند علی وزیر 31ووٹ لے سکے۔

مجموعی طور تے 145وچوں 139نے ووٹ پول کیتے جہناں وچوں 135ووٹ ٹھیک قرار جد کہ 4ووٹ رد ہوئے، 6ارکان نے ووٹ پول نہیں کیتا۔

خیبر پختونخوا اسمبلی دے ڈپٹی سپیکر محمود جان نے آخری ووٹ پول کیتا۔ جماعت اسلامی دے تن ارکان سینیٹ الیکشن توں لاتعلق رہے جد کہ تن ارکان بیرون ملک ہون پاروں ووٹ پول نہ کر سکے۔

خیال رہوے کہ سینیٹ دی ایہ نشست پیپلزپارٹی دے سابق سینیٹر خانزادہ خان دے مستعفی ہون دے بعد خالی ہوئی سی۔ خانزادہ خان نے پیپلزپارٹی چھڈن تے تحریک انصاف وچ شمولیت دی وجہ توں استعفیٰ دتا سی۔ تحریک انصاف دے ذیشان خانزادہ مستعفی ہون والے سینیٹر خانزادہ خان دے فرزند نیں۔