4 لکھ مویشی تیار، پنجاب نوں خطے وچ لائیوسٹاک دا مرکز بنانا ہدف: مریم نواز

فارمرز نوں 11 ارب روپے منافع دی توقع، پنجاب نوں خطے وچ لائیوسٹاک دا مرکز بنانا ہدف: مریم نواز

فارمرز نوں قومی برآمد کنندگان تے بین الاقوامی ویب سائٹس نال جوڑنا چاہندے آں، مویشیاں دی برآمد وچ 43 فیصد اضافہ، 5 میٹ پراسیسنگ پلانٹ تے 5 جدید سلاٹر ہاؤس بنائے جان گے۔

لاہور (سٹاف رپورٹر، این این آئی)

پنجاب لائیوسٹاک سکیم دے تحت اک سال وچ 4 لکھ مویشی تیار ہو گئے، جدکہ دیہی لائیوسٹاک فارمرز نوں 11 ارب روپے منافع ہون دی توقع اے۔

ایس حوالے نال وزیراعلیٰ پنجاب مریم نواز شریف نے آکھیا کہ پنجاب دے لائیوسٹاک فارمرز نوں قومی برآمد کنندگان تے بین الاقوامی ویب سائٹس نال جوڑنا چاہندے آں۔ پنجاب نوں خطے وچ لائیوسٹاک دا مرکز بنانا ساڈا ہدف اے۔

وزیراعلیٰ مریم نواز دے مطابق لائیوسٹاک کارڈ دے ذریعے ہر فارمر نوں فی مویشی چارے، ونڈے وغیرہ لئی 27 ہزار روپے فراہم کیتے جا رہے نیں۔

پنجاب وچ 8 ایف ایم ڈی کمپارٹمنٹ نوٹیفائی کیتے جا چکے نیں، جدکہ ایس سال مزید 7 ایف ایم ڈی کمپارٹمنٹ بنائے جان گے۔ ایف ایم ڈی کمپارٹمنٹ قائم ہون نال پنجاب توں چین، یورپ تے امریکا نوں مویشیاں دی برآمد دے راستے ہموار ہو رہے نیں۔

حکام دے مطابق پنجاب توں جانوراں دی برآمد وچ 43 فیصد اضافہ ہویا اے، جدکہ لائیوسٹاک کارڈ دے تحت 1 لاکھ 29 ہزار 581 مویشی برآمد کیتے گئے۔

پنجاب وچ 5 میٹ پراسیسنگ پلانٹ تے 5 جدید سلاٹر ہاؤس قائم کیتے جان گے۔

حکومت پنجاب لائیوسٹاک انٹیگریٹڈ ویلیو انویسٹمنٹ لئی 19 ارب روپے دی فنانسنگ سبسڈی فراہم کرے گی، جدکہ میٹ ویلیو چین لئی 65 ارب روپے دی نجی سرمایہ کاری متوقع اے۔

دوجے پاسے وزیراعلیٰ پنجاب مریم نواز نے کوئٹہ، نوشکی تے خضدار وچ دہشت گرداں خلاف کامیاب کارروائیاں اُتے اظہارِ تشکر کردیاں 8 دہشت گرداں نوں ہلاک کرن اُتے سکیورٹی فورسز نوں خراجِ تحسین پیش کیتا اے۔