گورنر راج لگّن توں بعد ینگ ڈاکٹرز نے ہڑتال ختم کر دتی: کنڈی

پشاور (این این آئی) خیبر پختونخوا دے گورنر فیصل کریم کنڈی نے آکھیا کہ صوبے وچ گورنر راج دا فیصلہ کرنا اوکھا سی تے ساڈے سامنے وڈے تے مشکل ہدف نیں، جنہاں وچ دہشت گردی دے خلاف جنگ ساڈا بنیادی ہدف اے۔

ولی باغ وچ عوامی نیشنل پارٹی دے مرکزی صدر ایمل ولی خان نال ملاقات توں بعد میڈیا نال گل بات کردیاں اُنہاں آکھیا کہ عوامی نیشنل پارٹی تے پاکستان پیپلز پارٹی دی 2008 توں 2013 تک صوبے وچ حکومت رہی۔ ایس دوران اساں امن بحال کیتا۔

فیصل کریم کنڈی نے آکھیا کہ این ایف سی ایوارڈ سمیت صوبے دے ہور اہم مسئلیاں اُتے گل بات کرن دا ایہہ بہترین موقع اے۔ اسیں وفاق نال کوئی محاذ آرائی نہیں چاہندے۔ ساڈی خواہش اے کہ صوبے وچ امن، ترقی تے خوشحالی ہووے۔

گورنر نے آکھیا کہ 8 توں 10 ہزار ینگ ڈاکٹرز ہڑتال اُتے سن، ساڈے آؤن توں بعد ینگ ڈاکٹرز نے ہڑتال ختم کر دتی۔ اسیں اوہناں دے شکر گزار آں تے اوہناں دے مسئلے حل کراں گے۔