عظمیٰ بخاری دی دھی دا نکاح، مریم نواز دی تقریب وچ شرکت
لاہور (مانیٹرنگ ڈیسک) پنجاب دی صوبائی وزیر اطلاعات تے ثقافت عظمیٰ بخاری دی صاحبزادی ودیعت فاطمہ رشتۂ ازدواج وچ منسلک ہو گئی اے۔
ودیعت فاطمہ دا نکاح بیرسٹر سید موسیٰ رضا نال ہویا۔ تقریب وچ وزیراعلیٰ پنجاب مریم نواز، صوبائی وزیر صحت سلمان رفیق، ڈپٹی سپیکر پنجاب اسمبلی ظہیر اقبال چنڑ سمیت ہور سیاسی تے سرکاری شخصیات نے وی شرکت کیتی۔
تقریب دوران عظمیٰ بخاری نے وزیراعلیٰ مریم نواز نال دولہے دا تعارف کروایا۔ تقریب وچ شریک مہماناں نے نویں ویاہے جوڑے لئی نیک تمنّاں تے خوشیاں بھری زندگی دیاں دعواں کیتیاں۔
