سرکاری حج سکیم، واجبات دی ادائیگی دا اج آخری دن

عازمیں نویاں معلومات تے ہدایتاں لئی پاک حج ایپ ورتن: ترجمان مذہبی امور

اسلام آباد (اپنے رپورٹر توں) سرکاری حج سکیم دے عازمِ حجاں نوں ہدایت کیتی گئی اے کہ واجبات دی ادائیگی اج 20 اکتوبر تک لازمی مکمل کرن۔

ترجمان مذہبی امور دے مطابق ادائیگی لئی نیشنل آئی ٹی بورڈ دا حج پورٹل یا پاک حج ایپ ورتی جاوے۔ پورٹل اُتے بینک کارڈ، ون لنک یا مینول بینک چالان دے ذریعے ادائیگی کیتی جا سکدی اے۔

حج درخواست منسوخ ہون توں بچاؤن لئی واجبات مقررہ وقت اندر جمع کرواؤ۔ حج پورٹل اُتے موجود میڈیکل فٹنس سرٹیفکیٹ ڈاؤن لوڈ کر کے ڈاکٹر کولوں تصدیق کروانا لازمی اے۔

تصدیق شدہ میڈیکل فٹنس سرٹیفکیٹ حج پورٹل اُتے اپ لوڈ کرنا وی ضروری اے۔ عازمِ حج نویاں معلومات تے ہدایتاں حاصل کرن لئی پاک حج ایپ لازمی ورتن۔