پاکستان نے سلامتی کونسل وچ ویٹو پاور دی توسیع دی مخالفت کر دِتی
پاکستان نے سلامتی کونسل وچ ویٹو پاور دی توسیع دی مخالفت کر دِتی
پاکستان
نیویارک پاکستان نے اقوامِ متحدہ دی سلامتی کونسل وچ ویٹو پاور دی توسیع دی مخالفت کردیاں جامع، جمہوری تے منصفانہ اصلاحات اُتے زور دتا اے۔
پاکستانی مستقل مشن دے قونصلر گل قیصر سروانی نے آکھیا اے کہ پاکستان نویں مستقل ارکان دی شمولیت تے ویٹو دے اختیار وچ توسیع دا مخالف اے۔ ویٹو پاور ودھاؤن نال سلامتی کونسل وچ عدم مساوات ہور ڈونگھی ہو جائے گی۔
گل قیصر سروانی نے آکھیا کہ پاکستان ویٹو پاور ختم کرن یا اس دے استعمال اُتے سخت پابندیاں لاؤن دا حامی اے۔ ویٹو پاور دا ناجائز استعمال اقوامِ متحدہ دی ساکھ نوں نقصان پہنچاندا اے۔
پاکستان نے ویٹو استعمال ہون توں بعد اقوامِ متحدہ دی جنرل اسمبلی وچ بحث کراؤن دی حمایت دا اعادہ وی کیتا۔
پاکستانی قونصلر نے زور دتا کہ سلامتی کونسل وچ منتخب ارکان دی گنتی، نمائندگی تے کردار ودھایا جانا چاہیدا اے۔ سلامتی کونسل دیاں اصلاحات دے پنجے نکات اُتے اک جامع پیکج دے تحت اکٹھیاں فیصلے کیتے جان۔
گل قیصر سروانی نے آکھیا کہ اصلاحات ساریاں لئی ہونیاں چاہیدیاں نیں تے کسے نوں وی خصوصی مراعات نہیں ملنیاں چاہیدیاں۔
