زلمے خلیل زاد دا پاکستان اُتے افغاناں نوں طالبان دے خلاف ورتن دا الزام، فیکٹ چیک جاری
جعلی خبراں: پاکستان نے زلمے خلیل زاد دے بے بنیاد الزامات مسترد کر دتے
پاکستان
اسلام آباد پاکستان نے افغاناں نوں طالبان تے اوہناں دے حامی دہشت گرد گروہاں دے خلاف لڑن لئی مسلح کرن بارے زلمے خلیل زاد دے بے بنیاد تے گمراہ کن الزامات نوں مکمل طور اُتے مسترد کر دتا اے۔
وزارتِ اطلاعات و نشریات دے مطابق زلمے خلیل زاد دے بے بنیاد دعوے محض ذاتی ایجنڈے دا حصہ نیں، جنہاں دا مقصد دہشت گردی دی حمایت کرن والی طالبان حکومت نوں تقویت دینا اے۔
پاکستان دے جائز انسدادِ دہشت گردی آپریشنز نوں افغان شہریاں دی بھرتی یا مسلح گروہاں دی سرپرستی دے الزامات نال جوڑنا انتہائی گمراہ کن عمل اے۔
پاکستان دہشت گردی دے خلاف جنگ وچ اگلی صف وچ کھڑا اے تے علاقائی امن تے سلامتی دے تحفظ لئی بے پناہ قربانیاں دے چکیا اے۔
اقوامِ متحدہ دیاں مسلسل نگرانی دیاں رپورٹس وچ افغانستان دے اندر تحریکِ طالبان پاکستان (ٹی ٹی پی) تے القاعدہ سمیت دہشت گرد تنظیمیں دی موجودگی تے سرگرمیاں دی تصدیق کیتی گئی اے۔
بیان مطابق زلمے خلیل زاد دے الزامات افغان طالبان دی ایس ذمہ داری توں توجہ ہٹاؤن دی کوشش نیں کہ اوہ اپنی سرزمین نوں پاکستان دے خلاف بھارتی پراکسی گروہاں دے استعمال توں روکّن۔
وزارتِ اطلاعات دے مطابق زلمے خلیل زاد ولوں ایسے بے بنیاد الزامات دا پرچار اوہناں دے متعصبانہ تے ذاتی ایجنڈے اُتے مبنی خیالات نوں ظاہر کردا اے۔
