سیاسی ڈیڈلاک دا خاتمہ مذاکرات نال ہووے گا: امیر حیدر ہوتی
صوابی (مانیٹرنگ ڈیسک) عوامی نیشنل پارٹی دے مرکزی رہنما تے خیبرپختونخوا دے سابق وزیراعلیٰ امیر حیدر خان ہوتی نے آکھیا اے کہ گورنر راج دے باوجود صوبے وچ سیاسی استحکام نہیں آیا، سیاسی ڈیڈلاک دا خاتمہ صرف مذاکرات نال ای ممکن اے۔
میڈیا نال گل بات کردیاں اُنہاں آکھیا کہ 11 اکتوبر توں پہلاں تے بعد خیبرپختونخوا دی صورتحال وچ نمایاں تبدیلی آئی اے۔ وزیراعظم شہباز شریف پہلے پشاور کیوں نہیں آئے؟ کی اُنہاں نوں دعوت نہیں دتی گئی یا اُنہاں آپ آنا مناسب نہیں سمجھیا؟
پی ٹی آئی حکومت نے وزیراعظم نال دہشت گردی تے ہور مسئلیاں اُتے گل بات کرنا مناسب نہیں سمجھیا۔ منتخب حکومت دی موجودگی وچ وزیراعظم دا پشاور آنا زیادہ مناسب ہوندا۔
اُنہاں آکھیا کہ میرے پنج سالہ دور دا دوبارہ احتساب کرن اُتے مینوں کوئی اعتراض نہیں، تاہم پچھلے 13 سال دے معاملات دا غیرجانبدارانہ احتساب ہونا چاہیدا اے۔
جے وفاق تے صوبہ اک صفحے اُتے نیں، تاں دہشت گردی سمیت بنیادی مسئلے فوری طور اُتے حل کیتے جان۔
