راجہ ناصر عباس تحریک انصاف دے ارکان اُتے ہی برس پئے
اسلام آباد (مانیٹرنگ ڈیسک) سینیٹ وچ اپوزیشن لیڈر راجہ ناصر عباس نے آکھیا کہ بہت سارے لوک چاہندے سن کہ عمران خان دیاں بھیناں خاموش رہن تے نہ بولن، ہُن جدوں خیبر پختونخوا وچ حکومت گرا دتی گئی اے۔۔۔
تاں پارٹی دے بولن والے کتھے نیں؟ اوہ کیوں نہیں بولدے، کیوں آواز نہیں چُکدے تے کیوں جا کے پٹیشن دائر نہیں کردے؟
راجہ ناصر عباس نے آکھیا کہ سہیل آفریدی لاپتہ نیں، کسے نوں نہیں پتا کہ اوہ کتھے نیں۔ سہیل آفریدی دی رہائی تے صوبائی اسمبلی دے اپنے سپیکر لئی ایہہ لوک کیوں نہیں بولدے؟ جاؤ تے پٹیشن دائر کرو۔ پارٹی نوں اگے آنا چاہیدا اے۔ ایہہ سارے لوک کیوں نہیں جاندے؟ سارے خاموش نیں۔
