آؤٹ سورس کیتیاں گئیاں ٹریناں وچ مسافراں نوں رعایتاں دین دا حکم
بزرگاں، معذور افراد، ریلوے ملازماں تے صحافیاں نوں سفری رعایت ملے گی: نوٹیفکیشن جاری
لاہور (اپنے کامرس رپورٹر توں) پاکستان ریلوے نے آؤٹ سورس ٹریناں دے مالکان نوں مسافراں لئی مقررہ رعایتاں دین دا حکم دے دتا اے۔ آؤٹ سورس ٹریناں وچ ریلوے پاسز تے پی ٹی اوز (PTOs) دی سہولت وی بدستور جاری رہے گی۔
نوٹیفکیشن دے مطابق بزرگاں، معذور افراد، صحافیاں تے ریلوے ملازماں نوں قواعد دے مطابق سفری رعایتاں دتیاں جان گیاں۔
ٹرین دی روانگی توں 48 گھنٹے پہلاں تک رعایتی کوٹے دی سہولت برقرار رکھی جاوے گی۔
اہل مسافراں نوں سفری رعایت دین توں انکار دی صورت وچ متعلقہ ریلوے حکام کول شکایت درج کراؤن دی ہدایت وی کیتی گئی اے۔
نوٹیفکیشن وچ واضح کیتا گیا اے کہ آؤٹ سورس ٹریناں وچ سفری رعایتاں نال متعلق شکایتاں اُتے فوری کارروائی کیتی جاوے گی۔
