باکو وچ یومِ سیاہ دی تقریب، کشمیریاں نال بھرپور اظہارِ یکجہتی
باکو وچ تصویری نمائش، صدر تے وزیراعظم پاکستان دے پیغامات پڑھ کے سنائے گئے
پاکستان کشمیری عوام دے حقِ خودارادیت دی حمایت جاری رکھے گا: ناظم الامور
اسلام آباد (وقائع نگار) — پاکستانی سفارت خانے باکو وچ جموں و کشمیر دا یومِ سیاہ منایا گیا، جس دوران کشمیری عوام نال بھرپور اظہارِ یکجہتی کیتا گیا۔
تقریب وچ سول سوسائٹی دے ارکان، دانشوراں، طلبہ، میڈیا دے نمائندیاں تے پاکستانی برادری نے شرکت کیتی۔ ایس موقع اُتے صدرِ پاکستان، وزیراعظم تے نائب وزیراعظم و وزیرِ خارجہ دے پیغامات پڑھ کے سنائے گئے۔
تقریب نوں خطاب کردیاں ناظم الامور سارہ اعجاز نے آکھیا کہ پاکستان کشمیری عوام دے حقِ خودارادیت دی حمایت جاری رکھے گا۔ کشمیری عوام دا حقِ خودارادیت اقوامِ متحدہ دی سلامتی کونسل دیاں متعلقہ قرارداداں وچ تسلیم کیتا گیا اے۔
سارہ اعجاز نے مسئلہ کشمیر اُتے آذربائیجان دی اصولی حمایت نوں سراہیا۔
ایس موقع اُتے پاکستانی سفارت خانے وچ تصویری نمائش وی لائی گئی، جس وچ مقبوضہ کشمیر وچ انسانی حقوق دیاں خلاف ورزیاں تے کشمیری عوام دی حقِ خودارادیت حاصل کرن لئی جاری جدوجہد نوں اجاگر کیتا گیا۔
