پاکستان دی مغربی ایشیا نال تجارت وچ 15 فیصد کمی

پاکستان دی مغربی ایشیا نال تجارت وچ 15.10 فیصد کمی، برآمدات ودھ گئیاں

اسلام آباد (اے پی پی) پاکستان تے مغربی ایشیا دے ملکاں وچکار جاری مالی سال دی پہلی سہ ماہی دوران سالانہ بنیاد اُتے دوطرفہ تجارت دے مجموعی حجم وچ کمی ریکارڈ کیتی گئی اے، تاہم ایس عرصے دوران پاکستانی برآمدات وچ اضافہ، جدکہ درآمدات وچ نمایاں کمی ہوئی اے۔

اسٹیٹ بینک دے مطابق مالی سال 2026-27 دی پہلی سہ ماہی دوران پاکستان تے مغربی ایشیا دے ملکاں وچکار دوطرفہ تجارت دا مجموعی حجم 4.82 ارب ڈالر ریکارڈ کیتا گیا، جیہڑا پچھلے مالی سال دی ایس مدت دے 5.68 ارب ڈالر دے مقابلے وچ 15.10 فیصد گھٹ اے۔

پہلی سہ ماہی دوران سعودی عرب، ترکیہ، متحدہ عرب امارات، کویت، اردن، بحرین تے مغربی ایشیا دے ہور ملکاں نوں پاکستانی برآمدات دا حجم 959.72 ملین ڈالر رہیا، جیہڑا پچھلے مالی سال دی ایس مدت دے 879.28 ملین ڈالر دے مقابلے وچ 9.15 فیصد ودھ اے۔

ستمبر 2026 دوران انہاں ملکاں نوں پاکستانی برآمدات 343.86 ملین ڈالر ریکارڈ کیتیاں گئیاں، جیہڑیاں اگست 2026 دے 290 ملین ڈالر دے مقابلے وچ 18.57 فیصد ودھ نیں۔

ایس طرح پچھلے سال ستمبر دے 306.38 ملین ڈالر دے مقابلے وچ وی پاکستانی برآمدات وچ 12.23 فیصد اضافہ ریکارڈ کیتا گیا۔