پٹرول 3 روپے 19 پیسے سستا تے ڈیزل 2 روپے 25 پیسے مہنگا
لاہور (مانیٹرنگ ڈیسک) حکومت نے پٹرول سستا تے ڈیزل مہنگا کرن دا اعلان کر دِتا۔ پیٹرولیم ڈویژن ولوں جاری نوٹیفکیشن دے مطابق پٹرول دی قیمت وچ 3 روپے 19 پیسے فی لیٹر کمی کیتی گئی اے۔
جس توں بعد پٹرول دی نویں قیمت 376 روپے 6 پیسے فی لیٹر مقرر کر دِتی گئی اے۔ نوٹیفکیشن دے مطابق ڈیزل دی قیمت وچ 2 روپے 25 پیسے فی لیٹر اضافہ کیتا گیا اے، جس توں بعد ڈیزل دی نویں قیمت 398 روپے 7 پیسے فی لیٹر مقرر کر دِتی گئی اے۔
