ہُن دہشت گردی ختم کیوں نہیں ہو رہی؟
پشاور (آن لائن) عوامی نیشنل پارٹی خیبر پختونخوا دے صدر میاں افتخار حسین نے بنوں وچ بم دھماکے دے نتیجے وچ ملک اینار دی شہادت تے دو افراد دے زخمی ہون، جدکہ الوچ، پورن (شانگلہ) وچ تجاوزات دے خلاف کارروائی دوران پیش آون والے واقعے وچ دو افراد دی شہادت اُتے ڈونگے دکھ تے افسوس دا اظہار کیتا اے۔
میاں افتخار حسین نے آکھیا کہ خیبر پختونخوا وچ دہشت گردی دے واقعات نے عوام دی زندگی اجیرن بنا دِتی اے۔ گورنر راج تے ایمرجنسی دہشت گردی دے خاتمے تے امن و امان دی بحالی دے ناں اُتے نافذ کیتے گئے سن، پر سوال ایہ اے کہ اِنہاں اقدامات دے باوجود دہشت گردی ختم کیوں نہیں ہو رہی؟ دہشت گردی دے واقعات وچ کمی کیوں نہیں آ رہی؟ جے اِنہاں اقدامات دا مقصد عوام نوں تحفظ فراہم کرنا سی، تاں فیر عوام اج وی عدم تحفظ دا شکار کیوں نیں؟
