حکومت تے پیپلز پارٹی دے مذاکرات، گل بات جاری رکھن اُتے اتفاق
دوجے دور وچ وی پیپلز پارٹی دا رائٹ آف وے بل اُتے سخت مؤقف برقرار
اسلام آباد حکومت تے پیپلز پارٹی دے درمیان قانون سازی بارے مذاکرات دا دوجا دور ختم ہو گیا، فریقین نے گل بات جاری رکھن اُتے اتفاق کیتا اے۔
سپیکر دے چیمبر وچ دوناں سیاسی جماعتاں دے درمیان ہون والی ملاقات وچ وفاقی وزیراں تے پیپلز پارٹی دے وفد نے شرکت کیتی۔
ذرائع دے مطابق رائٹ آف وے بل اُتے پیپلز پارٹی دا سخت مؤقف برقرار اے۔ پیپلز پارٹی نے مؤقف اختیار کیتا اے کہ کسے شخص دی نجی ملکیت والی زمین اُتے زبردستی موبائل ٹاور کِویں لایا جا سکدا اے؟
وزیرِ انفارمیشن ٹیکنالوجی شزہ فاطمہ بل وچ ترامیم اُتے راضی ہو گئیاں۔
