بجلی 2 روپے 56 پیسے فی یونٹ مہنگی ہون دا امکان
اسلام آباد (این این آئی) بجلی 2 روپے 56 پیسے فی یونٹ مہنگی ہون دا امکان اے، جس توں بعد صارفین اُتے 32 ارب 70 کروڑ روپے دا اضافی بوجھ پین دا خدشہ اے۔
میڈیا رپورٹ دے مطابق بجلی 2 روپے 56 پیسے فی یونٹ مہنگی کرن دی درخواست اُتے نیپرا وچ سماعت دوران سی پی پی اے حکام نے مؤقف اختیار کیتا کہ عالمی مارکیٹ وچ آر ایل این جی سمیت سارے ایندھناں دیاں قیمتاں وچ اضافہ ہویا اے۔
سی پی پی اے نے ستمبر دی ماہانہ فیول ایڈجسٹمنٹ دی مد وچ بجلی مہنگی کرن دی درخواست دائر کر رکھی اے۔
