نورین نیازی دی نظر بندی وچ توسیع دا نوٹیفکیشن واپس لین دی درخواست
لاہور (مانیٹرنگ ڈیسک) عمران خان دی بھین نورین نیازی دی نظر بندی وچ توسیع دا نوٹیفکیشن واپس لین لئی انہاں دے وکیل رانا مدثر عمر نے ڈپٹی کمشنر لاہور کول درخواست جمع کروا دِتی اے۔
درخواست وچ مؤقف اختیار کیتا گیا اے کہ نورین نیازی پچھلے 38 دناں توں کوٹ لکھپت جیل وچ قید نیں تے گزشتہ رات دل وچ تکلیف ہون کارن انہاں نوں ہسپتال منتقل کرنا پیا۔ درخواست دے مطابق نورین نیازی دی اپنے خاندان تے وکلا نال ملاقات وی نہیں کروائی جا رہی، جدکہ اوہ اک غیر سیاسی خاتون نیں، ایس لئی انہاں دی نظر بندی وچ توسیع امتیازی سلوک دے مترادف اے۔
