قادیانی دینی قوتاں تے اداریاں وچ ٹکراؤ پیدا کرکے ملک نوں غیر مستحکم کر رہے نیں: علما کرام

کسی دا پیو وی ختم نبوت دے قوانین ختم نہیں کر سکدا: حافظ حمد اللہ، تحفظ ختم نبوت لئی کٹ مرنا سعادت اے: کیپٹن (ر) صفدر، اسلام دشمن قوتاں ناکام ہون گیاں: سراج الحق، لیاقت بلوچ، ملکی سلامتی لئی اتحاد ضروری اے: طاہر اشرفی، ختم نبوت کانفرنس اختتام پذیر

چنیوٹ (ڈسٹرکٹ رپورٹر) عالمی مجلس تحفظ ختم نبوت دے زیر اہتمام مرکز ختم نبوت مسلم کالونی چناب نگر وچ منعقد ہون والی 45ویں دو روزہ سالانہ ختم نبوت کانفرنس اختتام پذیر ہو گئی۔ مقررین نے آکھیا کہ بیرونی سفارت خانیاں تے انہاں دیاں راہداریواں وچ قادیانیاں نوں نوازنا، قادیانیاں دے متعلق آئینی ترامیم، عدالتی فیصلے تے دو قومی نظریے نال غداری تے ملکی استحکام نوں خطرے وچ پاؤن دے برابر اے۔

مقررین دے مطابق بیوروکریسی وچ چھپے ہوئے قادیانی دینی قوتاں تے جمہوری اداریاں وچ تصادم دی صورتحال پیدا کرکے ملک نوں نظریاتی تے معاشی تباہی ول دھکیل رہے نیں۔ مقررین نے مطالبہ کیتا کہ اسلامی نظریاتی کونسل دیاں سفارشات دی روشنی وچ ارتداد دی شرعی سزا دے اجرا تے نفاذ دا اعلان کیتا جائے۔ مفتی محمد تقی عثمانی تے حافظ حمد اللہ نے آکھیا کہ منکرین ختم نبوت نوں تحفظ فراہم کیتا جا رہیا اے۔ جدوں تک جمعیت دی سیاست تے عالمی مجلس تحفظ ختم نبوت دی دعوت زندہ اے، کوئی وی اسلامی دفعات تے ختم نبوت دے قوانین ختم نہیں کر سکدا۔

کیپٹن (ر) صفدر نے آکھیا کہ حضور ﷺ دی شفاعت حاصل کرن لئی تحفظ ختم نبوت دے واسطے کٹ مرنا سعادت اے۔ مولانا زبیر اشرف عثمانی نے آکھیا کہ عقیدہ ختم نبوت ساڈے ایمان دا حصہ اے۔ سید ضیاء اللہ شاہ بخاری نے آکھیا کہ قیامت تک ختم نبوت دا سلسلہ جاری رہے گا۔

جماعت اسلامی دے سراج الحق نے آکھیا کہ قادیانی فتنے دے خلاف سانوں ہر قسم دا جہاد تے جدوجہد جاری رکھنی ہووے گی۔ لیاقت بلوچ نے آکھیا کہ اسلام دشمن قوتاں عقیدہ ختم نبوت نوں متنازعہ بناون دیاں کوششاں کر رہیاں نیں۔ طاہر محمود اشرفی نے آکھیا کہ ختم نبوت دے سب توں پہلے چوکیدار تے سپہ سالار حضرت ابوبکر صدیقؓ نیں۔ ساڈی ذمہ داری اے کہ ختم نبوت لئی ہر دروازے تے دستک دیئیے۔

مولانا اللہ وسایا نے آکھیا کہ پاکستان وچ مدارس تے مسجداں دی سلامتی تے کوئی حرف نہیں آون دیاں گے۔ مولانا زبیر احمد صدیقی نے آکھیا کہ سارے مسلماناں نوں گھٹ توں گھٹ اپنے خاندان دے ہر فرد نوں ختم نبوت بارے اک آیت تے اک حدیث زبانی یاد کرانی چاہیدی اے۔ مولانا قاری اکرام الحق تے مولانا نور محمد ہزاروی نے آکھیا کہ ختم نبوت تے ایمان رکھے بغیر نماز، روزہ تے ہور عبادتاں بے سود نیں۔ مولانا عبدالنعیم نے آکھیا کہ اس امت دے علما قرآن تے سنت دے وارث نیں۔