کلر سیداں: غیرت دے ناں اُتے تہرے قتل دے کیس وچ 5 ملزماں نوں سزائے موت
راولپنڈی (آن لائن) راولپنڈی دی سیشن عدالت نے تھانہ کلر سیداں دے تہرے قتل کیس دا فیصلہ سنا دیندے ہوئے جرم ثابت ہوݨ اُتے پنج نامزد ملزماں نوں سزائے موت سنا دتی۔
عدالت نے مقتولاں دے ورثا نوں فی کس دو لاکھ روپے ہرجانہ ادا کرن دا حکم وی دتا اے، جدکہ مقدمے دیاں ہور دفعات دے تحت اضافی قید تے جرمانے دیاں سزائیں وی سنائیاں گئیاں نیں۔
پولیس نے 4 جولائی 2023ء نوں کاشف، احسن، آصف، اسماعیل تے یاسر دے خلاف مقدمہ درج کیتا سی۔ مقدمے وچ الزام لایا گیا سی کہ پنجے ملزماں نے غیرت دے ناں اُتے اک خاتون سمیت تِن افراد نوں قتل کیتا سی۔
