ایل این جی دی قیمتاں وچ 15.27 فیصد تک اضافہ
اسلام آباد (مانیٹرنگ ڈیسک) ایل این جی دی قیمتاں وچ 15.27 فیصد تک اضافہ کر دتا گیا اے۔ اوگرا دے نوٹیفکیشن مطابق ایل این جی دی قیمت وچ 2.17 ڈالر فی ایم ایم بی ٹی یو تک اضافہ کیتا گیا اے۔
سوئی ناردرن سسٹم اُتے ایل این جی 2.13 ڈالر فی ایم ایم بی ٹی یو مہنگی ہو گئی، جس توں بعد سوئی ناردرن سسٹم اُتے ایل این جی دی نویں قیمت 17.32 ڈالر فی ایم ایم بی ٹی یو مقرر کر دتی گئی اے۔
سوئی سدرن سسٹم اُتے ایل این جی 2.17 ڈالر فی ایم ایم بی ٹی یو مہنگی ہو گئی، جس توں بعد سوئی سدرن سسٹم اُتے ایل این جی دی نویں قیمت 16.39 ڈالر فی ایم ایم بی ٹی یو مقرر کیتی گئی اے۔
