یومِ اقبال اُتے 9 نومبر نوں ملک بھر وچ عام چھٹی دا اعلان
لاہور (این این آئی) وفاقی حکومت نے یومِ اقبال دے موقعے اُتے 9 نومبر نوں ملک بھر وچ عام چھٹی دا اعلان کردیاں نوٹیفکیشن جاری کر دتا اے۔
کابینہ ڈویژن دے نوٹیفکیشن مطابق 9 نومبر، پیر دے روز یومِ اقبال دے موقعے اُتے پورے ملک وچ عام چھٹی ہووے گی۔ ملک بھر دے تعلیمی ادارے تے سرکاری تے نجی دفاتر بند رہن گے۔
ہفتے وچ دو چھٹیاں والے دفاتر تے تعلیمی اداریاں دے ملازماں نوں 7 توں 9 نومبر تک لگاتار تین چھٹیاں ملن گیاں، جدوں کہ 10 نومبر، منگل توں روزمرہ دے معمولات بحال ہو جان گے۔
