3 اے آئی جیز، 2 ڈی پی اوز سمیت 10 پولیس افسراں دے تبادلے

کامران خان نوں پٹرولنگ پولیس، شہزاد سلطان نوں جنوبی پنجاب دا ایڈیشنل آئی جی مقرر کر دتا گیا

لاہور (کرائم رپورٹر) پنجاب پولیس وچ 3 اے آئی جیز، 2 ڈی پی اوز سمیت 10 افسراں دے تبادلے کر دتے گئے نیں۔ ایڈیشنل آئی جی جنوبی پنجاب کامران خان نوں ایڈیشنل آئی جی پٹرولنگ پولیس پنجاب تعینات کر دتا گیا اے، جدکہ ایڈیشنل آئی جی انویسٹی گیشن شہزاد سلطان نوں انہاں دی تھاں ایڈیشنل آئی جی جنوبی پنجاب مقرر کر دتا گیا اے۔

سید خرم علی نوں ایڈیشنل آئی جی انویسٹی گیشن پنجاب مقرر کیتا گیا اے۔ عاصم جسرا نوں کاشف ذوالفقار دی تھاں ڈی پی او چکوال تے شاہد احمد نوں ڈی پی او بھکر لا دتا گیا اے۔ پہلے توں تعینات ڈی پی او بھکر شہزاد رفیق نوں ایس پی سروے سپیشل برانچ لاہور مقرر کر دتا گیا اے۔

رانا زاہد حسین نوں ایس پی انویسٹی گیشن علامہ اقبال ٹاؤن لاہور، حسن فاروق نوں ایس پی انویسٹی گیشن صدر تے غلام حسین نوں اے آئی جی لیگل سنٹرل پولیس آفس لاہور تعینات کیتا گیا اے۔

آئی جی پنجاب عبدالکریم نے سارے افسراں دے تبادلِیاں دا نوٹیفکیشن جاری کر دتا اے۔