پاکستان تے روس آئی ٹی سمیت چھ شعبیاں وچ شراکت داری اُتے متفق
اسلام آباد (اے پی پی) پاکستان تے روس وچ ٹیکنالوجی، مصنوعی ذہانت تے ڈیجیٹل معیشت دے شعبیاں وچ تعاون دے نویں دور دا آغاز ہو گیا اے۔ دوناں ملکاں نے حکومتی سطح اُتے قائم اعتماد نوں عملی کاروباری شراکت داریاں، مشترکہ منصوبیاں تے عالمی منڈیاں تک رسائی وچ تبدیل کرن لئی چھ ترجیحی شعبیاں وچ تعاون اُتے اتفاق کیتا اے۔
وفاقی وزیر منصوبہ بندی احسن اقبال نے آکھیا کہ پاکستان دی آئی ٹی صلاحیتاں تے روس دی سائنسی تے تکنیکی مہارتاں دا امتزاج دوناں ملکاں دی معاشی ترقی تے عالمی مقابلے دی صلاحیت نوں نویاں بلندیاں تک لے جا سکدا اے۔
پاکستان تے روس وچ ٹیکنالوجی تعاون مصنوعی ذہانت، جدت تے عالمی منڈیاں تک رسائی دے نویں موقعے پیدا کرے گا۔ دوناں ملکاں نوں روایتی تعاون توں اگے ودھدیاں مشترکہ منصوبیاں، سرمایہ کاری تے عالمی معیار دیاں ڈیجیٹل مصنوعات دی تیاری اُتے توجہ دین دی لوڑ اے۔
پاکستان روس آئی ٹی تعاون ویبینار نوں خطاب کردیاں احسن اقبال نے آکھیا کہ حکومت دے قومی معاشی تبدیلی دے منصوبے اُڑان پاکستان وچ ای پاکستان پنج بنیادی ترجیحات وچ شامل اے، جس دا مقصد 2035 تک پاکستان دی معیشت نوں اک ٹریلین ڈالر تک پہنچانا اے۔
ویبینار وچ دوناں ملکاں دے وزارتی حکام، صنعتاں دے نمائندیاں تے معروف ٹیکنالوجی کمپنیوں نے شرکت کیتی۔
