مولانا فضل الرحمٰن کول کھرب پتی لوکاں ورگیاں ہر سہولت موجود اے: طلال

تجاوزات دے خلاف ڈیڑھ سال توں کارروائی جاری، سیاست دی نذر کرکے زیادتی کیتی گئی، ایہ نہیں ہو سکدا کہ تہاڈے کول کجھ نوجوان ہون تے تسی ریاست نوں للکارو، رانا ثنا اللہ دا بیان ذاتی رائے اے: طلال چوہدری

اسلام آباد (مانیٹرنگ ڈیسک) وزیر مملکت برائے داخلہ طلال چوہدری نے آکھیا اے کہ مولانا فضل الرحمٰن کول اوہ ساریاں سہولتاں موجود نیں، جیہڑیاں کسے کھرب پتی کول ہوندیاں نیں۔

تجاوزات بارے نوٹس دا مولانا فضل الرحمٰن دی سیاست نال کوئی تعلق نہیں۔ ٹی وی نال گل بات کردیاں انہاں آکھیا کہ اسلام آباد وچ تجاوزات دے خلاف ڈیڑھ سال توں کارروائی جاری اے۔ اسیں سب توں پہلے پوش علاقیاں وچ تجاوزات ختم کرن دا کم شروع کیتا۔ مولانا دے گھر دے نیڑے ہر دوجے گھر توں تجاوزات ختم کیتیاں گئیاں۔

طلال چوہدری نے آکھیا کہ تجاوزات دا دفاع کرنا تے ایس معاملے نوں سیاست دی نذر کرنا مولانا ولوں زیادتی اے۔ ایہ نہیں ہو سکدا کہ تہاڈے کول کجھ نوجوان ہون تے تسی ریاست نوں للکارنا شروع کر دیو۔

مولانا فضل الرحمٰن بارے رانا ثنا اللہ دا بیان انہاں دی ذاتی رائے ہو سکدی اے۔