پٹرولیم لیوی ختم کرن لئی حکومت نے جماعت اسلامی توں ہور مہلت منگ لئی
لاہور (مانیٹرنگ ڈیسک) نائب وزیراعظم اسحاق ڈار تے وفاقی وزیر احسن اقبال نے پٹرولیم لیوی دے خاتمے دے معاملے اُتے جماعت اسلامی دے نائب امیر لیاقت بلوچ نال ٹیلی فون اُتے رابطہ کرکے ہور مہلت منگ لئی۔
ذرائع دے مطابق دونویں وفاقی وزیراں نے لیاقت بلوچ نوں درخواست کیتی کہ اک غیر ملکی وفد دی آمد دی وجہ نال انہاں نوں کجھ وقت دتا جائے۔ لیاقت بلوچ نے حکومتی وزیراں دی درخواست توں جماعت اسلامی دی قیادت نوں آگاہ کیتا، جس توں بعد جماعت اسلامی نے حکومت نوں ہور مہلت دے دتی۔
ذرائع دا کہنا اے کہ جماعت اسلامی نے پٹرولیم لیوی دے خاتمے نال متعلق اپنا حتمی مسودہ حکومتی حکام دے حوالے کر دتا اے۔ ہن حکومت دے فیصلے توں بعد جماعت اسلامی اپنی اگلی حکمت عملی طے کرے گی۔
