قائمہ کمیٹی ولوں بجلی دے بلّاں وچ ڈیٹیکشن چارجز ختم کرن دی تجویز

سیلاب دوران سکھر الیکٹرک کمپنی دے 10 ہزار بریسز چوری ہون دا انکشاف

سمارٹ میٹرنگ سسٹم متعارف، ٹرانسفارمرز دی بجائے ہن فیڈرز بند کیتے جان گے

اسلام آباد (نامہ نگار) قومی اسمبلی دی قائمہ کمیٹی برائے پاور نوں آگاہ کیتا گیا اے کہ سیلاب دوران سکھر الیکٹرک کمپنی دے 10 ہزار بریسز چوری ہوئے نیں۔ کمیٹی دا اجلاس چیئرمین محمد ادریس دی زیرِ صدارت ہویا۔

اجلاس وچ سیکرٹری پاور ڈویژن نے دسیا کہ کمیٹی دی پچھلی سفارش اُتے ہری پور دے علاقے پدھانہ وچ 132 کے وی گرڈ سٹیشن قائم کرن بارے رپورٹ جمع کرا دتی گئی اے۔ انہاں پاور پلاننگ اینڈ مانیٹرنگ کمپنی دے چیف ٹیکنیکل سروسز نوں منصوبے بارے بریفنگ دین دی ہدایت وی کیتی۔

کمیٹی نوں پاور ڈویژن دے حکام نے دسیا کہ مستقبل وچ بجلی دے ٹرانسفارمرز دی بجائے فیڈرز بند کرن دا منصوبہ اے۔ فیڈر بند ہون نال بل ادا کرن والے صارفین دی بجلی وی بند ہو جاندی اے۔

کمیٹی دے ارکان نے بجلی دے بلّاں وچ ڈیٹیکشن چارجز ختم کرن دی تجویز دے دتی۔ انہاں آکھیا کہ کنڈا کوئی ہور لاندا اے، پر ادائیگی کسے ہور نوں کرنی پیندی اے۔

پاور ڈویژن دے حکام نے دسیا کہ مستقبل وچ پورے نظام نوں ڈیجیٹلائز کیتا جا رہیا اے تے سمارٹ میٹرنگ سسٹم منصوبے دا آغاز کر دتا گیا اے۔ کمیٹی نوں دَسیا گیا کہ بجلی چوری روکنے لئی سمارٹ میٹرنگ سسٹم متعارف کراؤن دا فیصلہ کیتا گیا اے۔