غیر جانبدار سیٹ اَپ دی نگرانی ہیتھ بلدیاتی الیکشن کروائے جان: متحدہ
کراچی (مانیٹرنگ ڈیسک) ایم کیو ایم پاکستان دی قانونی ٹیم نے سابق وفاقی وزیرِ قانون ڈاکٹر فروغ نسیم نال ملاقات کی۔
ملاقات دوران بلدیاتی ایکٹ 2013 وچ ترامیم بارے مشاورت تے اعلیٰ عدالتاں وچ انہاں ترامیم دے خلاف آئینی درخواست دی تیاری اُتے گل بات کیتی گئی۔
ایم کیو ایم پاکستان دے بیان مطابق بلدیاتی نمائندیاں دی مدت وچ توسیع آئندہ انتخابات نوں ہائی جیک کرن دی سازش اے۔ سندھ حکومت دا ایہ فیصلہ بدنیتی اُتے مبنی تے آئین تے قانون دی خلاف ورزی اے۔
اُنہاں مزید آکھیا کہ مدت ختم ہوندے ہی سارے انتظامی اختیار غیر جانبدار تے غیر سیاسی افراد دے حوالے کر دتے جان تے آئندہ بلدیاتی انتخابات غیر جانبدار انتظامی سیٹ اَپ دی نگرانی وچ کروائے جان۔
ایس حوالے نال فروغ نسیم نے آکھیا کہ ترامیم دا مکمل جائزہ لین توں بعد ایس اُتے ہور مشاورت کیتی جائے گی۔
