امریکا ولوں سٹیٹ بینک وچ سسکو نیٹ ورک دی تنصیب دا خیرمقدم
امریکی ناظم الامور دا گورنر سٹیٹ بینک تے سسکو سسٹمز دی اعلیٰ قیادت دے نال مرکزی دفتر دا دورہ، نیٹلی بیکر نے جدید مالیاتی نظام نوں مستحکم بناؤن لئی قابلِ اعتماد تے محفوظ ٹیکنالوجی دی اہمیت اُتے زور دتا۔
کراچی (سٹاف رپورٹر) امریکی ناظم الامور نیٹلی بیکر نے سٹیٹ بینک آف پاکستان دے گورنر جمیل احمد تے سسکو سسٹمز پاکستان دی اعلیٰ قیادت دے نال سٹیٹ بینک دے مرکزی دفتر دا دورہ کیتا۔
ایس موقع اُتے سٹیٹ بینک دے نویں مرکزی بینکاری نیٹ ورک تے سافٹ ویئر اُتے مبنی ڈیٹا سینٹر دی کامیاب تنصیب دے حوالے نال اک پروقار تقریب منعقد کیتی گئی۔
امریکی ٹیکنالوجی دے ممتاز ادارے سسکو دے سپرد کیتا گیا ایہ کثیر مالیتی منصوبہ پاکستان دے اہم ترین مالیاتی بنیادی ڈھانچے نوں جدید خطوط اُتے استوار کرن ول اک اہم پیش رفت اے۔
ایس منصوبے دے تحت اک محفوظ، لچکدار تے جدید ترین ڈیٹا سینٹر قائم کیتا گیا اے، جس دا مقصد ملک وچ مالیاتی استحکام نوں تحفظ دینا تے بلا تعطل، قابلِ اعتماد ڈیجیٹل بینکاری سہولتاں دی فراہمی یقینی بنانا اے۔
تقریب نوں خطاب کردیاں امریکی ناظم الامور نیٹلی بیکر نے جدید مالیاتی نظام نوں مستحکم بناؤن وچ قابلِ اعتماد تے محفوظ ٹیکنالوجی دی اہمیت اُتے زور دتا تے امریکہ تے پاکستان دے درمیان ودھدے تجارتی رابطیاں نوں سراہیا۔
اُنہاں آکھیا کہ مرکزی بینک دا بنیادی ڈھانچہ دراصل قوم دی اک اہم امانت اے، جیہڑا ملک دی معاشی مضبوطی تے عوام دے اعتماد دا مرکز اے۔
سٹیٹ بینک ولوں امریکی صنعت تے ٹیکنالوجی اُتے اعتماد دا اظہار معیار، سکیورٹی تے طویل مدتی پائیداری ول اک بہترین قدم اے۔
اُنہاں آکھیا کہ امریکہ پاکستان نال اپنی دیرینہ تجارتی شراکت داری نوں قدر دی نگاہ نال ویکھدا اے تے پاکستانی اداریاں نوں امریکی جدت تے عالمی معیار نال جوڑن دا سلسلہ جاری رکھن لئی مکمل تیار اے۔
ایس موقع اُتے گورنر سٹیٹ بینک جمیل احمد تے سسکو دے کنٹری جنرل منیجر کاشف الحق نے دوناں اداریاں دیاں مشترکہ انجینئرنگ کوششاں نوں سراہیا، جنہاں دی بدولت مرکزی بینک دیاں روزمرہ خدمات متاثر کیتے بغیر ایس پیچیدہ نظام دی تنصیب تے ڈیٹا دی منتقلی دا مرحلہ کامیابی نال مکمل ہویا۔
ایہ تقریب نجی شعبے دے اشتراکِ عمل دی حوصلہ افزائی، شفاف تے محفوظ ڈیجیٹل بنیادی ڈھانچے دی اہمیت، تے پاک امریکہ دے باہمی تجارتی تے سرمایہ کاری دے رابطیاں نوں ہور مضبوط بناؤن دے حوالے نال امریکی حکومت دے پختہ عزم دی عکاس اے۔
امریکی ناظم الامور دا گورنر سٹیٹ بینک تے سسکو سسٹمز دی اعلیٰ قیادت دے نال مرکزی دفتر دا دورہ، نیٹلی بیکر نے جدید مالیاتی نظام نوں مستحکم بناؤن لئی قابلِ اعتماد تے محفوظ ٹیکنالوجی دی اہمیت اُتے زور دتا۔
کراچی (سٹاف رپورٹر) امریکی ناظم الامور نیٹلی بیکر نے سٹیٹ بینک آف پاکستان دے گورنر جمیل احمد تے سسکو سسٹمز پاکستان دی اعلیٰ قیادت دے نال سٹیٹ بینک دے مرکزی دفتر دا دورہ کیتا۔
ایس موقع اُتے سٹیٹ بینک دے نویں مرکزی بینکاری نیٹ ورک تے سافٹ ویئر اُتے مبنی ڈیٹا سینٹر دی کامیاب تنصیب دے حوالے نال اک پروقار تقریب منعقد کیتی گئی۔
امریکی ٹیکنالوجی دے ممتاز ادارے سسکو دے سپرد کیتا گیا ایہ کثیر مالیتی منصوبہ پاکستان دے اہم ترین مالیاتی بنیادی ڈھانچے نوں جدید خطوط اُتے استوار کرن ول اک اہم پیش رفت اے۔
ایس منصوبے دے تحت اک محفوظ، لچکدار تے جدید ترین ڈیٹا سینٹر قائم کیتا گیا اے، جس دا مقصد ملک وچ مالیاتی استحکام نوں تحفظ دینا تے بلا تعطل، قابلِ اعتماد ڈیجیٹل بینکاری سہولتاں دی فراہمی یقینی بنانا اے۔
تقریب نوں خطاب کردیاں امریکی ناظم الامور نیٹلی بیکر نے جدید مالیاتی نظام نوں مستحکم بناؤن وچ قابلِ اعتماد تے محفوظ ٹیکنالوجی دی اہمیت اُتے زور دتا تے امریکہ تے پاکستان دے درمیان ودھدے تجارتی رابطیاں نوں سراہیا۔
اُنہاں آکھیا کہ مرکزی بینک دا بنیادی ڈھانچہ دراصل قوم دی اک اہم امانت اے، جیہڑا ملک دی معاشی مضبوطی تے عوام دے اعتماد دا مرکز اے۔
سٹیٹ بینک ولوں امریکی صنعت تے ٹیکنالوجی اُتے اعتماد دا اظہار معیار، سکیورٹی تے طویل مدتی پائیداری ول اک بہترین قدم اے۔
اُنہاں آکھیا کہ امریکہ پاکستان نال اپنی دیرینہ تجارتی شراکت داری نوں قدر دی نگاہ نال ویکھدا اے تے پاکستانی اداریاں نوں امریکی جدت تے عالمی معیار نال جوڑن دا سلسلہ جاری رکھن لئی مکمل تیار اے۔
ایس موقع اُتے گورنر سٹیٹ بینک جمیل احمد تے سسکو دے کنٹری جنرل منیجر کاشف الحق نے دوناں اداریاں دیاں مشترکہ انجینئرنگ کوششاں نوں سراہیا، جنہاں دی بدولت مرکزی بینک دیاں روزمرہ خدمات متاثر کیتے بغیر ایس پیچیدہ نظام دی تنصیب تے ڈیٹا دی منتقلی دا مرحلہ کامیابی نال مکمل ہویا۔
ایہ تقریب نجی شعبے دے اشتراکِ عمل دی حوصلہ افزائی، شفاف تے محفوظ ڈیجیٹل بنیادی ڈھانچے دی اہمیت، تے پاک امریکہ دے باہمی تجارتی تے سرمایہ کاری دے رابطیاں نوں ہور مضبوط بناؤن دے حوالے نال امریکی حکومت دے پختہ عزم دی عکاس اے۔
