پاکستان تے تاجکستان دیاں مشترکہ فوجی مشقاں اختتام پذیر
مشقاں دا مقصد انسدادِ دہشت گردی دے تجربات دا تبادلہ تے جنگی صلاحیتاں نوں بہتر بنانا سی۔ ایہ مشقاں پاکستان تے تاجکستان دے درمیان دیرینہ فوجی تعاون دی عکاس نیں، آئی ایس پی آر۔
راولپنڈی (اے پی پی) پاکستان تے تاجکستان دیاں افواج دے درمیان انسدادِ دہشت گردی دیاں دوطرفہ مشترکہ فوجی مشقاں دا تیسرا ایڈیشن دوستی تھری سپیشل آپریشنز سکول چراٹ وچ اختتام پذیر ہو گیا۔
ایہ مشقاں 26 اکتوبر 2026 نوں شروع ہوئیاں سن۔
پاک فوج دے شعبہ تعلقاتِ عامہ (آئی ایس پی آر) دے مطابق مشقاں دا بنیادی مقصد انسدادِ دہشت گردی دے تجربات دا تبادلہ، آپریشنل ڈرلز تے طریقہ کار نوں مزید بہتر بنانا سی، جدکہ باہمی سکھن دے عمل تے بہترین پیشہ ورانہ طریقیاں دے تبادلے راہیں جنگی صلاحیتاں نوں نکھارنا وی مقصد سی۔
آئی ایس پی آر دا کہنا اے کہ ایہ مشقاں پاکستان تے تاجکستان دے درمیان دیرینہ فوجی تعاون دی عکاسی کردیاں نیں، نال ہی دوطرفہ دفاعی تعلقات نوں ہور مضبوط بناؤن لئی دوناں ملکاں دے غیر متزلزل عزم دا اعادہ وی نیں۔
