نور عالم دے بھانجے دا قتل قابلِ مذمت اے، واقعے دی تحقیقات کروائیاں جان: فضل الرحمٰن

اسلام آباد (مانیٹرنگ ڈیسک) جمعیت علمائے اسلام دے سربراہ مولانا فضل الرحمٰن نے ایم این اے نور عالم خان دے بھانجے دے قتل دی مذمت کیتی اے۔

اپنے مذمتی بیان وچ مولانا فضل الرحمٰن نے آکھیا اے کہ نور عالم خان دے نوجوان بھانجے فہد خان دے قتل دی خبر سن کے دل رنجیدہ اے۔ ایہ واقعہ قابلِ مذمت اے، فوری تحقیقات کرائیاں جان تے قاتلاں نوں نشانِ عبرت بنایا جائے۔

اوہناں آکھیا کہ گورنر راج تے ایمرجنسی دے باوجود امن و امان دی صورتحال خراب اے۔ میں نور عالم خان تے اوہناں دے خاندان نال تعزیت دا اظہار کردا ہاں۔ اللہ کریم مرحوم دی مکمل مغفرت فرمائے تے اہلِ خانہ نوں صبرِ جمیل عطا کرے۔

یاد رہے کہ تین روز پہلاں اسسٹنٹ ڈائریکٹر نادرا فہد خان نوں حیات آباد پشاور وچ نادرا دفتر دی پارکنگ وچ قتل کر دتا گیا سی۔