بھارتی سفارتکار کلبھوشن نال گل بات کرن توں کتراندے رہے: شاہ محمود قریشی

اسلام آباد: شاہ محمود قریشی نے آکھیا کہ بھارتی سفارتکار کلبھوشن نال گل بات کرن توں کتراندے رہے ،انڈیا دی بد نیتی کھل کے ساہمنے آگئی ، بھارت سازشاں کردیاں کردیاں خود ہی تنہا ہو گیا
وزیر خارجہ شاہ محمود قریشی نے اپنے اک بیان اندر آکھیا کہ بھارت پاکستان نوں تنہا کرنا چاہنداسی لیکن آپی تنہا ہو گیا اے ، کل بھارتی سفارتکار کلبھوشن دی کوئی وی گل سنے بغیر ہی چلے گئے ، کلبھوشن آوازاں ہی دیندا رہ گیا ۔ بھارتی سفارکار گل بات کرن توں کتراندے رہیے ، بھارت دی بد نیتی کھل کے ساہمنے آ گئی ۔ ایہ رسائی نہیں چاہندے۔ شاہ محمود قریشی ہوراں آکھیا کہ سی پیک وچ ایران دی شمولیت تے افغانسان وچ قیام امن دا فائدہ سب نوں ہوئے گا۔