وزیراعلیٰ پنجاب دی ڈی جی خان سرکٹ ہائوس آمد ؛ شجر کاری مہم لئی پودا لایا

ڈیرہ غازی خان ؛ وزیر اعلیٰ پنجاب عثمان بزدار دی سرکٹ ہائوس وچ آمد ، اوہناں اوتھے شجر کاری مہم لئی پودا لایا ، وزیر اعلیٰ پنجاب عثمان بزدار نے شجر کاری مہم دی کامیابی لئی دعا وی کیتی۔ ایس موقع تے وزیر اعلیٰ پنجاب عثمان بزدار نے آکھیا کہ شجر کاری آئندہ نسلاں دے محفوظ مستقبل لئی بوہت ضروری اے ، عوام اندر شجر کاری دی اہمیت دا شعوربیدار کرنا اے ، پودے دی دیکھ بھال تے حفاظت وی خصوصی توجہ چاہندی اے ۔وزیر اعلیٰ پنجاب عثمان بزدار نے اراکین اسمبلی ، عمائدین ، کارکناں تے شہریاں نال وی ملاقات کیتی ، وزیر اعلیٰ پنجاب عثمان بزدار نے لوکاں دے مسائل سُنے ، درخواستان وصول کیتاں تے موقع تے احکامات وی جاری کیتے ، اوہناں آکھیا کہ عوام دے مسائل دے حل لئی ہر شہر جاواں گا۔ دورے کرن نال ہی زمینی حقائق توں آگاہی ملدی اے